To The Moon

噚日都係無揀到貨出嚟，不過就Bookmark咗隻 $CHINA MOBILE(00941)$ ，因為見佢日線圖77蚊築底成功後，借Slow STC(14.3)兩線觸底上到噚日見中軸線前，暫時出咗上影線，就係等睇佢過唔過線。

今朝返嚟 $HSI(HSI)$ 再來高走，開市口價上返去23000點樓上，喺作戰室今朝mark住指數出高開低走先嘅，因為我都怕會又嚟彈高熊；但開市後有見指數做完佢嘅低走之後，極速反撲番上去開市位，作戰室好倉追出，到依家10點5分，都已經有戰友先收起第一注好倉正數；再嚟到依家10點7分，有好貪心地mark住日線圖10線做好倉目標，但我怕再晏少少自己藥力發作(係，我前日睇完醫生，抗生素+類固醇中)，所以我都選擇見好就收。

望下隻中移，噚日mark住日線圖見保歷加中軸前出上影線有啲擔心，但今日股價隨大市上行過中軸，再加上Slow STC(14.3)兩線保持上行，咁都有符合到出好倉條件。

唯先小心嘅係股價目前於日線圖上都有上影線出現，所以前題是保歷加中軸必須一定要守得住股價。

其次，於上週三(21日)出現咗一個下跌裂口，底部為79.9元，依家10點18分見股價造緊79.25元，其實同呢個位好近。

$HS#C MOBRC2807C.C(62553)$ ，收回價76元，同現價有約3.8元收回距離，呢個位亦都比10天線(78.46元)為低，係呀!用10天線做下方量度線可以嘅。

Day Trade的話，依家(10點23分)五分鐘圖上有見股價向下低走於10線，而SLow STC(14.3)兩線亦都觸頂向下剛剛離開超買位，用返平時Swing Trade做嘅話，要等一等啦。

作者阿珊，以技術分析玩輪證，唔貪心，努力賺取我家肥貓罐罐( Φ ω Φ )。

想睇埋美日臺股、金油匯幣ETF嘅玩法，請往Patreon搜尋「cbbcwar」；《傻寶不懂的技術分析》系列已於Google Books Store上架，可免費試閱。